Футболдан Қазақстан құрамасының бапкері Өзбекстанды жеңу қаншалықты маңызды екенін айтты

Қазақстан ұлттық құрамасының бас бапкері Магомед Адиев Өзбекстанмен өтетін ойын қарсаңында БАҚ өкілдерінің сауалдарына жауап берді, деп хабарлайды KAZ.NUR.KZ тілшісі Қазақстанның футбол федерациясына сілтеме жасап.

"Мен әрқашан Қазақстан мен Өзбекстан бауырлас халықтар деп санаймын. Ертең "бауырлар" дербиін күтеміз деп айтуға болады. Алайда, футбол алаңында барлығын екінші орынға қоямыз. Әрине, ертеңгі ойынға дайындықпен келеміз. Қарсыласты құрмет тұтамыз. Аз уақыт ішінде дайындаған ойларымызды іске асыруға тырысамыз. Нәтижесін ойын көрсетеді", - деді бас бапкер.

Осы орайда Адиев БАҚ өкілінің "Өзбекстан құрамасын жеңу қаншалықты маңызды?" деген сауалына жауап берді.

"Кез келген бапкер мен футболшы үшін жеңіске жету маңызды. Ешқандай түбегейлі принцип жоқ. Ең бірінші міндет – 2024 жылы өтетін Еуропа чемпионатының іріктеу ойындарына дайындық жүргізу", - деді ол.

Мәтіннен қате тапсаңыз, бізге жазыңыз