Футболдан Хорватия құрамасының бұрынғы бас бапкері қайтыс болды

Футболдан Хорватия құрамасының бұрынғы бас бапкері Мирослав Блажевич 88 жасында қайтыс болды, деп жазады KAZ.NUR.KZ тілшісі.

Қаралы хабарды Хорватия футбол одағының (HNS) ресми сайты растады.

Хорватия құрамасының бұрынғы бас бапкерінің неден көз жұмғаны белгісіз. Ведомство ол туралы ақпарат берген жоқ.

Ал кейбір БАҚ беттерінде Мирослав Блажевичтің 2011 жылдан бері қатерлі ісікпен күрескені жазылуда.

"Хорватия футбол одағы Мирослав Блажевичтің қазасына байланысты оның жақындары мен жанұясына көңіл айтады", - делінген хабарламада.

Айта кетейік, Мирослав Блажевич бапкерлік мансабында футболдан Хорватия құрамасын, загребтік "Динамоны", франциялық "Нант" клубын жаттықтырған.

Мәтіннен қате тапсаңыз, бізге жазыңыз