"Астана" франциялық футболшымен келісімшартқа отырды (фото)

Фабьен Урега "Астана" футбол клубының ойыншысы атанды, деп жазады KAZ.NUR.KZ тілшісі елордалық команданың баспасөз қызметіне сілтеме жасап.

"Астана" футбол клубы француз жартылай қорғаушысы Фабен Урегамен келісімшарт жасасты", - делінген хабарламада.

Айта кетейік, Фабьен Урега 1992 жылы 7 желтоқсанда Францияның Париж қаласында өмірге келген.

Жартылай қорғаушы "Сошо-Монбельяр", "Париж", "Орлеан" клубтарында доп тепкен. Оның соңғы өнер көрсеткен клубы - литвалық "Жальгирис".

Фабьен Урега "Жальгирис" сапында 51 матч өткізіп, 8 гол соқты және 6 нәтижелі пастың авторы атанды.

Мәтіннен қате тапсаңыз, бізге жазыңыз