Чемпиондар лигасы: "Милан" өз алаңында "Тоттенхэмнен" басым түсті

Футболдан Чемпиондар лигасының 1/8 финалының матчтары басталды. "Милан" өз алаңында лондондық "Тоттенхэмді" қабылдады, деп хабарлайды KAZ.NUR.KZ тілшісі.

"Сан Сиро" стадионында өткен ойынның жетінші минутында есеп ашылды. Гол авторы: "Милан" жартылай қорғаушысы Браим Диас.

Бұдан кейін қос клубтың ойыншылары қанша шабуылдағанмен есеп өзгерген жоқ.

Осылайша, "Милан" 1/8 финалдың алғашқы матчында жеңіске жетті. Жауапты ойын 9-наурыз күні Лондон қаласындағы "Тоттенхэм Хотспур" стадионында өтеді.

Айта кетейік, Чемпиондар лигасының плей-офф кезеңіне 16 команда шықты. Олар: "Бенфика" (Португалия), "Порту" (Португалия), "Наполи" (Италия), "Бавария" (Германия), "Челси (Англия), "Манчестер Сити" (Англия), "Тоттенхэм" (Англия), "Реал Мадрид" (Испания), "Ливерпуль" (Англия), "ПСЖ" (Франция), "Милан" (Италия), "Интер" (Италия), "Боруссия" Дортмунд (Германия), "Айнтрахт" Франкфурт (Германия), "РБ Лейпциг" (Германия), "Брюгге" (Бельгия).

Мәтіннен қате тапсаңыз, бізге жазыңыз