"Пари Сен-Жермен" клубы мен Марокко құрамасының қорғаушысы Ашраф Хакими бойжеткенге зорлық жасады деген күдікке ілінді, деп хабарлайды РИА Новости басылымына сілтеме жасаған KAZ.NUR.KZ.
Аталған жайт туралы Le Parisien басылымы жазған.
Басылымның мәліметінше, жексенбі күні 24 жастағы бойжеткен полицияға Хакимидің үстінен арыз түсірген. Онда ол футболшымен әлеуметтік желіде танысқанын жеткізген.
Сонымен қатар бойжеткеннің мәлімдемесінде 25 ақпан күні Хакими таксиге тапсырыс беріп, оны үйіне шақырғаны жазылған.
Бойжеткен футбол жұлдызы өзінің қарсылық танытуына қарамастан, зорлық көрсеткенін жеткізген. Сонымен бірге ол футболшыны итеріп жіберіп, досына алып кетуін өтініп, хабарлама жібергенін айтты, деп жазады басылым.
Айта кету керек, басылым бұл даулы іске қатысты бойжеткен тәртіп сақшыларына арыз түсіргісі келмегенін, алайда жәбірленушінің айғақтары негізінде прокуратура тексеру жұмыстарын бастап кеткенін жеткізген.
Мақаланың түпнұсқасы: https://kaz.nur.kz/sport/football/2011151-psz-futbol-klubynyn-ataqty-oiynsysy-boizetkenge-zorlyq-zasady-degen-kudikke-ilindi/
