Трансферге қыруар ақша жұмсаған "Челси" сапынан оннан астам футболшы кетуі мүмкін

Жазда футболдан Англия біріншілігінде өнер көрсететін "Челси" сапынан оннан астам ойыншы кетуі мүмкін, деп жазады The Telegraph.

Басылым мәліметінше, лондондық ұжымның бас бапкері Грэм Поттердің Чемпиондар Лигасында доп тебетін футболшылар тізіміне Пьер-Эмерик Обамеянгті қоспауы, оның клуб ауыстыратынын білдіреді.

Сонымен қатар Хаким Зиеш, Кристиан Пулишич, Кай Хаверц, Эдуард Менди, Мейсон Маунт, Матео Ковачич, Рубен Лофтус-Чик, Конор Галлахер, Трево Чалоба және"Челси" клубы жалға алған Денис Закария командадан кетуі мүмкін.

Еске сала кетейік, "Челси" қаңтар айында көп футболшы сатып алып, бірнеше рекорд жасаған еді.