Мәскеудің қақ ортасында футболшылар арасында жаппай төбелес болды

Мәскеу орталығындағы стадионда студенттік командалардың футболшылары төбелесіп, 16 адам полиция бөліміне жеткізілді, деп хабарлайды РИА Новости Ресей Федерациясының Ішкі істер министрлігіне сілтеме жасап.

Ведомство мәліметінше, студенттер арасындағы жаппай төбелес 1 сәуір күні болған. Соның салдарынан бір адам зардап шекті.

"Полиция бөліміне 16 адам жеткізілді, оның үшеуінің үстінен әкімшілік іс қозғалды", - делінген хабарламада.

Енді тәртіп бұзғандар 15 тәулікке дейін қамауға алынуы мүмкін.

Қазіргі уақытта полиция қызметкерлері оқиғаның мән-жайын анықтап жатыр.