Мәскеулік "Динамо" футбол клубының шабуылшысы Федор Смолов үйленді. Бұл туралы KAZ.NUR.KZ тілшісі хабарлайды.
Футболшы әлеуметтік желідегі парақшасында ресейлік блогер әрі музыкант Карина Истоминамен үйленгенін жеткізді. Кадрдан Каринаның қолынан неке жүзігін аңғару қиын емес.
Сонымен қатар блогер де желіде қуанышты сәттен фото жүктеді. Онда Смолов пен Истоминаның неке жүзікпен бірге суретке түскен.
Бұл 33 жастағы футболшының алғашқы некесі. БАҚ беттерінде екі жас туралы ақпарат бір ай бұрын тараған еді.
Айта кетейік, Федор Смолов 1990 жылы 9 ақпанда өмірге келген. Ол мансабында "Локомотив", "Сельта", "Анжи" және "Фейенорд" секілді клубтарда доп тепкен. Қазіргі уақытта шабуылшы мәскеулік "Динамо" сапында өнер көрсетеді.
Ол Ресей құрамасы сапында 45 матчта жасыл алаңға шығып, 16 рет мергендігімен көзге түскен.
Мақаланың түпнұсқасы: https://kaz.nur.kz/sport/football/2023488-reseidin-ataqty-futbolsysy-men-belgili-bloger-uilendi-foto/
