"Тарихи сәт": Бактиер Зайнутдинов "Бешикташ" сапындағы алғашқы ойынын өткізіп, жеңіс голын соқты (видео)

Қазақстан құрамасының жартылай қорғаушысы Бактиер Зайнутдинов Түркияның "Бешикташ" командасы сапындағы алғашқы ойынын өткізіп, бірінші голын соқты, деп хабарлайды ҚазАқпарат.

Агенттік жазуынша, бұл тарихи сәт түркиялық клубтың Конференция лигасы плей-офф сатысында Украинаның "Динамо Киев" клубына қарсы кездесуде тіркелген.

Қазақстандық футболшы екінші кезеңнің 46-минутында командаласы Артур Масуакуды алмастырған. Конго Демократиялық Республикасының футболшысы бірінші кезеңде алған жарақатына байланысты ойынды жалғастыра алмаған.

Кездесудің 95-минутында Бактиер Зайнутдинов қарсылас команда қақпасын дәл көздеп, жеңіс голын соққан.

Осылайша, кездесу 3:2 есебімен "Бешикташтың" жеңісімен аяқталған.

Қарымта кездесу 31 тамызда болады.

Посмотреть эту публикацию в Instagram

Публикация от Instagram

Айта кетсек, Бактиер Зайнутдинов стамбұлдық клубпен осы жылдың 18 тамызында келісімшартқа қол қойды. Ол 2027 жылдың 30 маусымына дейін жаңа команданың құрамында өнер көрсетеді.

Мәтіннен қате тапсаңыз, бізге жазыңыз