Қазақстандық қақпашы өзге елдің азаматтығын алып, ұлттық құрамаға шақырту алды

"Абдыш-Ата" клубының қақпашысы Марсель Исламқұлов Қырғызстан азаматтығын алды. Бұл туралы Азия Спорт Telegram арнасы хабарлайды.

Қазіргі таңда Исламқұлов Қырғызстан азаматтығын алып, аталған елдің құрамасы сапында Біріккен Араб Әмірліктеріндегі жаттығу жиынына аттанбақ.

Исламқұлов Қырғызстанның Кант қаласында дүниеге келген. Кейін Қазақстан азаматтығын алып, осы елдің ұлттық құрамасына шақырту алады. Бірақ ол Қазақстан сапында алаңға шыққан жоқ.

Осыдан соң Марсель өзінің атамекеніне оралып, Қырғызстан құрамасында ойнауды жөн деп шешкен.

Алайда қайта оралған қақпашыға қырғыз жанкүйерлері қатты қуанбай отыр.

Мәтіннен қате тапсаңыз, бізге жазыңыз