Қазақстандық төрешілер УЕФА Чемпиондар лигасының матчтарында қызмет етпек

Қазақстандық төрешілер УЕФА Чемпиондар лигасының матчтарында қызмет етеді. Бұл туралы Қазақстан футбол федерациясы мәлімдеді.

6 және 9 қыркүйекте әйелдер арасындағы УЕФА Чемпиондар лигасының бірінші турының матчтары өтеді.

Аталған сында "Аполлон" (Кипр), "Люботен" (Солтүстік Македония), "Мура" (Словения) және "Самегрело" (Грузия) командалары ойнайды.

6 қыркүйекте өтетін "Аполлон" – "Люботен" арасындағы жартылай финалдық кездесудің бас төрешісі Татьяна Сорокопудова болса, бұл ойынға ассистент болып Динара Ыдырысова тағайындалды.

9 қыркүйек күні жартылай финалда жеңілген қос команда арасындағы кездесуде бас төрешінің көмекшісі Динара Ыдырысова болады. Төртінші төреші қызметін Татьяна Сорокопудова атқарады.

Ойындар Словениядағы Sportni Park Radenci және Fazanerija City стадиондарында өтеді.

Мәтіннен қате тапсаңыз, бізге жазыңыз