Қазақстан футбол федерациясы президенті Әділет Барменқұлов Дания және Финляндияға қарсы матчтар қарсаңында ұлттық құраманың ойыншылары мен бапкерлерімен кездесті, деп хабарлайды KAZ.NUR.KZ федерацияның ресми Instagram парақшасына сілтеме жасап.
Әділет Барменқұлов футболшылардың жағдайын сұрап, оқу-жаттығу процесіне қызығушылық танытты. Федерация басшысы ел намысын қорғайтын спортшыларға алдағы матчтарда сәттілік тіледі.
Айта кетейік, бүгін команда Копенгаген қаласына жол тартады. Магомед Адиевтің ойыншылары 14 қазан күні Дания құрамасына қарсы матч өткізеді. Кездесу Копенгаген қаласында "Паркен" стадионында болады. Ойын Астана уақытымен 00:45-те басталады.
Ал 17 қазан күні ұлттық құрамамыз Хельсинки қаласында Финляндия командасымен бақ сынасады. Матч "Олимпиястадионда" сағат 22:00-де өтеді.
Мақаланың түпнұсқасы: https://kaz.nur.kz/sport/football/2040687-qazaqstan-futbol-federaciyasynyn-prezidenti-ulttyq-quramamen-kezdesti/
