Алматылық "Қайрат" 26 қазан күні футзалдан чемпиондар лигасының осы жылғы маусымындағы алғашқы ойынын өткізеді, деп хабарлайды KAZ.NUR.KZ.
Алматылық футзал клубы чемпиондар лигасы аясында сырт алаңда люксембургтық "Диффердэнж" командасымен күш сынасады. Кездесу Испанияның Пальма-де-Мальорке қаласында өтеді.
Қазақстандық команданың матчын Qazsport телеарнасының тікелей эфирінде көруге болады. Кездесу Астана уақытымен 21:40-та басталады.
Айта кетейік, футзалдан Чемпиондар лигасының негізгі кезеңінің матчтары 24-29 қазан аралығында өтеді.
Үшінші топта алматылық "Қайрат", "Диффердэнж" (Люксембург), "Халадаш" (Венгрия) және "Пальма" (Испания) командаларымен кездеседі. Топтан алғашқы үштікке кірген командалар элиталық раундқа өтеді.
Мақаланың түпнұсқасы: https://kaz.nur.kz/sport/football/2042573-cempiondar-ligasy-qairat-futzal-kluby-algasqy-oiynyn-syrt-alanda-otkizedi/
