Top.Mail.Ru
Спорт

Сайт нұсқасы

ru kz

Зектілері

"Реалдың" бұрынғы ойыншысы Бахтиер Зайнутдинов жайлы пікір білдірді

Опубликовано:

Бахитер Зайнутдинов матч кезінде
Бахтиер Зайнутдинов. Фото: Vasile Mihai-Antonio/Getty Images

"Реал Сосьедад", "Вильярреал", "Бешикташ" сияқты еуропаның топ ұжымдарының бұрынғы ойыншысы Нихат Кахведжи қазақстандық футболшы Бахтиер Зайнутдиновтың ойыны жайлы пікір білдірді. Бұл туралы KAZ.NUR.KZ NutSpor youtube арнасына сілтеме жасап хабарлайды.

Түркия ұлттық құрамасының бұрынғы бапкері Нихат Кахведжи "Бешикташ" пен "Газиантеп" арасындағы ойыннан кейін отандасымыздың ойынына баға берді.

"Егер Бахтиер клубта шабуылшыға жақын ойнаса, 20-25 метр жерден оп-оңай гол соға алады. Оның соққысы өте жойқын. Тек қақпаға соққы бағыттауға ұтымды позиция таңдай алса болғаны. Бірінші таймда керемет мүмкіндігі болды. Ұлттық құрама сапында да жойқын соққысының арқасында гол салып жүргенін көріп жүрміз", - деді Кахведжи.

Айта кетейік, WhoScored.com порталының дерегі бойынша "Газиантапқа" қарсы матчта Бахтиер Зайнутдинов 8,0 деген ұпай жинаған. Одан жоғары балды тек әріптесі Окслейд-Чемберлейн жинаған (8,4).

Мақаланың түпнұсқасы: https://kaz.nur.kz/sport/football/2043515-realdyn-eks-oiynsysy-baxtier-zainutdinov-zaily-pikir-bildirdi/