"Астана" футбол клубы өз алаңында маңызды бір ұпайға қол жеткізді

УЕФА Конференция лигасының топтық кезеңінің 4-туры аясында елордалық "Астана" мен косовалық "Балкани" командалары кездесті, деп хабарлайды KAZ.NUR.KZ тілшісі.

9 қараша Астана қаласында Конференция лигасының топтық кезеңінің 4-туры аясында қазақстандық "Астана" мен косовалық "Балкани" ұжымдары 0:0 есебімен тең түсті. Бұл ойын "С" тобының турнирлік кестесіне өзгеріс енгізді.

Қазақстанда өткен ойыннан кейін, астаналықтар 4 ұпаймен турнирлік кестенің 2-орынына жайғасты. Алайда 9 қарашаға осы топтың тағы матчы жоспарланған. 9 ұпаймен көш басында тұрған "Виктория Пльзень" командасы өз алаңында 4-орындағы "Динамо Загребті" қабылдайды.

Елордалық клуб Конференция лигасының топтық кезеңіндегі 4 ойында қарсылас қақпасына 4 гол салып, өз қақпаларына 8 гол жіберіп алды.

Айта кетейік, топтық кезеңде бірінші орын алған ұжым Конференсия лигасының 1/8 кезеңіне өтсе, екінші орындағы клуб 1/16 кезеңіне жолдама алады.

Мәтіннен қате тапсаңыз, бізге жазыңыз