Шымкенттік "Ордабасы" футбол клубы жаңа маусымға дайындықты Түркияда бастайды. Бұл туралы KAZ.NUR.KZ "Ордабасы" футбол клубының Instagram-дағы ресми парақшасына сілтеме жасап хабарлайды.
Шымкенттік клуб 9-31 қаңтар аралығында Түркияның Белек қаласында оқу-жаттығу жиынын өткізбек. Жиын аясында бірқатар жолдастық кездесу жоспарланған. Қарсыластар мен ойындардың өтетін күні кейін хабарланады.
Айта кетерлігі, "Ордабасы" ойыншылары Шохбоз Умаров пен Бобир Әбдіхоликов 12 қаңтар мен 10 ақпан аралығында өтетін Азия кубогында Өзбекстан құрамасының намысын қорғайды.
Еске салайық, "Ордабасы" футбол клубы 2023 жылы тарихта тұңғыш рет Қазақстан чемпионы атанған еді. Шымкенттік команда ел Премьер лигасының 25-турында қарағандылық "Шахтерді" 3:1 есебімен жеңді. Шешуші ойында "Ордабасы" сапынан Айбар Жақсылықов, Шахбоз Умаров және Артем Беседин гол соққан болатын.
Мақаланың түпнұсқасы: https://kaz.nur.kz/sport/football/2054073-qazaqstan-premer-ligasynyn-cempiony-oqu-zattygu-ziyndaryn-turkiyada-otkizedi/
