Бүгін, 25 қаңтарда Испания кубогының 1/4 кезеңінің ойындары өтті. Нәтижесінде "Барселона" футбол клубы "Атлетик Бильбаодан" жеңіліп, жарыс жолын аяқтады. Бұл туралы KAZ.NUR.KZ тілшісі хабарлайды.
Испания кубогының 2023/24 жылғы маусымның плей-офф кезеңдері жалғасып жатыр. Турнирдің 1/4 финалында "Ателик Бильбао" мен "Барселона" футбол клубтары кездесті.
Матчтың алғашқы голын алаң қожайындары сапындағы ойыншы Гурусета 1-минутта соқты. Араға 25 минут салып Роберт Левандовски есеп теңестірсе, Ламин Ямаль 32-минутта "Барселонаны" алға шығарды. Десе де екінші таймның басына Нико Уилбямстан пас қабылдаған Санчет "Атлетик Бильбаоның" екінші голын салып, ойынды экстра-таймға аударды.
Жеңімпаздың тағдырын "Атлетик Бильбао" футбол клубының 21 жастағы ойыншысы Нико Уильямс шешіп кетті. Экстра-таймның 105 және 120-минутында гол соғып, дубль авторы атанды. Осылайша "Барселона" футбол клубы жартылай финалға өте алмады.
Айта кетейік, Испания кубогының 1/4 финалында осы матчтан бөлек "Сельта" – "Реал Сосьедад" (1:2), "Мальорка" – "Жирона" (3:2) кездесулері өтті. Сонымен қатар бүгін, 25 қаңтарда "Атлетико Мадрид" өз алаңында "Севилья" ұжымын қабылдайды.
Мақаланың түпнұсқасы: https://kaz.nur.kz/sport/football/2057410-barselona-futbol-kluby-ispaniya-kubogynyn-zartylai-finalyna-syga-almady/
