Футболдан Қазақстан ұлттық құрамасының шабуылшысы Абат Айымбетов Түркияның "Адана Демирспор" футбол клубы сапында алғашқы жеңісіне қол жеткізді. Бұл туралы KAZ.NUR.KZ тілшісі хабарлайды.
Қазақстандық футболшының командасы өз алаңында "Фатих Карагумрук" клубын қабылдады. Кездесу 1:0 есебімен алаң иелерінің жеңісімен аяқталды.
Кездесу барысындағы жалғыз голды "Манчестер Сити", "Ливерпуль" және Италия құрамасының бұрынғы ойыншысы Марио Балотелли соқты. Ойынның 27-минутында айып добын сәтті орындады.
Айта кетейік, Айымбетов ойынды қосалқы құрамда бастап, 69-минутта Балотеллидің орнына алаңға шықты.
Бұл "Адана Демирспордың" 2024 жылдағы алғашқы жеңісі және клуб қазіргі уақытта Түркия Суперлигасының кестесінде 9-орында тұр.
Мақаланың түпнұсқасы: https://kaz.nur.kz/sport/football/2064534-abat-aiymbetov-turik-klubyndagy-algasqy-zenisine-qol-zetkizdi/
