Чемпиондар лигасының ширек финалында ойнайтын командалар анықталды
Опубликовано:
Футболдан Чемпиондар лигасының 1/4 финалына шыққан клубтар белгілі болды. Бұл туралы KAZ.NUR.KZ UEFA ұйымының ресми сайтына сілтеме жасап хабарлайды.
Ширек финалға 8 команда жолдама алды. Олар: "Арсенал" (Англия), "Барселона" (Испания), "ПСЖ" (Франция), "Бавария" (Германия), "Манчестер Сити" (Англия), "Реал Мадрид" (Испания), "Боруссия" (Дортмунд, Германия) және "Атлетико Мадрид" (Испания).
Ертең, 15 наурызда Швейцарияның Ньон қаласында 1/4 финалдың жеребесі тартылады. Алғашқы матчтар 9 және 10 сәуірде, қарымта ойындар 16 және 17 сәуірде өтеді. Ал Чемпиондар лигасының финалы 1 маусымда Лондондағы Уэмбли стадионында болады.
Айта кетейік, 2023 жылы Чемпиондар лигасын "Манчестер Сити" футбол клубы жеңген еді. Англиялық клуб финалда Италияның "Интер" командасын 1:0 есебімен ұтқан. Матчтың жалғыз голын 68-минутта Родриго Эрнандес салған болатын. Биыл "Манчестер Сити" жетінші мәрте Чемпиондар лигасының ширек финалына шығып отыр.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2068113-cempiondar-ligasynyn-sirek-finalynda-oinaityn-komandalar-anyqtaldy/