Футзалдан Қазақстан ұлттық құрамасы Қырғызстанға қарсы бақылау ойынында жеңіске жетті. Бұл туралы KAZ.NUR.KZ Қазақстан футбол федерациясының ресми сайтына сілтеме жасап хабарлайды.
"Тараз Арена" cпорт кешенінде жабық режимде өткен матч 3:2 есебімен Қазақстан құрамасының пайдасына шешілді.
Алғашқы голды 2-минутта Қырғызстан командасынан Қайрат Құбанышев ашты. 11-минутта Шыңғыс Есенаманов есепті теңестірді. Арада 12 минут өткен соң Құбанышев дубль авторы атанды. Кейін Қазақстан құрамасы сапынан Азат Валиуллин (39-минутта) мен Батырхан Кенжеғали (40-минутта) гол соғып, команданы жеңілістен құтқарып қалды.
Енді 7 және 9 сәуір күндері Қазақстан құрамасы Өзбекстанға қарсы екі жолдастық матч өткізеді. Ойындар "Тараз Арена" спорт кешенінде өтеді деп жоспарланған.
Мақаланың түпнұсқасы: https://kaz.nur.kz/sport/football/2079347-futzaldan-qazaqstan-quramasy-tarazda-zoldastyq-matc-otkizdi/
