Нұралы Әліп Ресей чемпионатының үздік ойыншысы атағына үміткер

"Зенит" футбол клубында өнер көрсететін Қазақстан құрамасының қорғаушысы Нұралы Әліп РПЛ маусымының үздік ойыншысы атағына үміткерлердің кеңейтілген тізіміне енді. Бұл туралы KAZ.NUR.KZ РПЛ-дың Telegram желісіндегі ресми парақшасына сілтеме жасап хабарлайды.

Әліп үздік қорғаушы атағына үміткерлердің кеңейтілген тізіміне енді. Сонымен қатар Нұралының әріптестері Родригао, Страхиня Эракович және Дуглас Сантос та осы тізімде.

Кеңейтілген тізімге Ресей Премьер лигасында ойнайтын 10 футболшы кіреді.

Ұйымдастырушылардың айтуынша, бірінші кезеңде журналистер мен блогерлер 30 үздікті іріктесе, 2 мамырдан бастап жанкүйерлер дауыс беру арқылы финалистер тізімін анықтайды.

Нұралы Әліп биылғы маусымда "Зенит"сапында барлық турнирлерде 29 матч өткізіп, бірде-бір нәтижелі іс-қимылмен (гол немесе ассист) көзге түспеді және 5 сары қағаз алды.

Мәтіннен қате тапсаңыз, бізге жазыңыз