Футболдан Қазақстан ұлттық құрамасының және "Ахмат" футбол клубының қазіргі бас бапкері Магомед Адиев ұлттық құрамамен келісімшартын ұзарту туралы айтты. Бұл туралы KAZ.NUR.KZ Match TV арнасының ресми сайтына сілтеме жасап хабарлайды.
"Мен "Ахматта" маусымның соңына дейін жұмыс істеймін, ал Қазақстан федерациясымен келісімшартым бар. Қазір ең бастысы, "Ахматты" Ресей Премьер лигасында сақтап қалу керек. Содан кейін шешім қабылдаймын. Негізі ұлттық құрамамен келісімшартты ұзарту туралы әңгіме болды. Бірақ қазір ештеңені ашып айта алмаймын", – деді Магомед Адиев.
Еске салайық, маман Қазақстан құрамасына 2022 жылдың сәуір айында тағайындалды. Бапкердің жетекшілігімен Ұлттар лигасының келесі дивизионына көтерілдік. Сонымен қатар Еуро-2024 іріктеу кезеңінде 3-орынға ие болдық.
Осы жылдың 5 сәуірінен бастап Магомед Адиев ұлттық құрама мен "Ахмат" клубының бас бапкері қызметтерін біріктірді.
Мақаланың түпнұсқасы: https://kaz.nur.kz/sport/football/2091542-magomed-adiev-qazaqstan-quramasymen-kelisimsharty-turaly-tosyn-malimdeme-zhasady/
