"Ахмат" футбол клубының бас бапкері Магомед Адиев грозныйлық клубқа оралмас бұрын Рамзан Қадыровпен телефон арқылы сөйлескенін айтты. Бұл туралы KAZ.NUR.KZ Championat.com сайтына сілтеме жасап хабарлайды.
"Рамзан Қадыров "Ахматқа" бапкер болып тағайындалар алдында маған қоңырау шалып былай деді: "Магомед, сен өзіміздің шешенсің, сондықтан елге оралуың керек және біздің клубта жұмыс істеуің қажет", - дейді Магомед Адиев.
46 жастағы ресейлік маман Магомед Адиев "Ахмат" клубында 2024 жылғы 5 сәуірден бастап бапкерлік қызметіне кірісті. Бұған дейін 2018 және 2019 жылдары грозныйлық клубта ассистент болып жұмыс істеген.
Адиевтің басшылығымен "Ахмат" клубы тоғыз матч өткізіп, бес жеңіске жетіп, төрт жеңіліске ұшырады.
Мақаланың түпнұсқасы: https://kaz.nur.kz/sport/football/2124906-sen-sheshen-azamatysyng-elge-qait-adiev-ramzan-qadyroven-telefon-arqyly-soileskenin-aitty/
