"Астана" футбол клубы өз құрамын нигериялық шабуылшы Чинеду Джеффримен толықтырды. Бұл туралы KAZ.NUR.KZ елордалық клубтың ресми сайтына сілтеме жасап хабарлайды.
Нигериялық шабуылшымен арадағы келісімшарт 2,5 жылға көзделген.
Чинеду Джеффридің бойы 193 сантиметр. Футболшы албаниялық "Беса" құрамында өнер көрсеткен. Сонымен қатар Солтүстік Македонияның "Работниски" клубының сапында ойнап, 12 гол соғып, чемпионаттың қола жүлдегері атанды. Сондай-ақ "Астана" футбол клубының жаңа ойыншысы Финляндия чемпионатында өнер көрсететін "Лахти" клубының сапында ойнап, 19 гол соққан.
Transfermarket порталының мәліметінше, Чинеду Джеффридің трансферлік құны – 200 мың еуро (шамамен 100 миллион теңге).
Мақаланың түпнұсқасы: https://kaz.nur.kz/sport/football/2128734-astana-futbol-kluby-100-million-tenggege-nigeriialyq-futbolshy-satyp-aldy/
