Әлем чемпионатының үздік ойыншысы "Қайрат" клубымен келісімшартқа отырды
Опубликовано:
Алматылық "Қайрат" футзал клубы Аргентина құрамасының 27 жастағы ойыншысы Кевин Арриетамен келісімшартқа отырды. Бұл туралы KAZ.NUR.KZ клубтың Instagram желісіндегі ресми парақшасына сілтеме жасап хабарлайды.
Аргентиналық Кевин Арриета ресми түрде алматылық "Қайрат" футзал клубының ойыншысы атанды. Тараптар "1+1" жүйесі бойынша келісімшартқа қол қойды.
"Жаңа ойыншымызға сәттілік және "Қайрат" футзал клубы сапында үлкен жеңістер тілейміз", - делінген клубтың Instagram желісіндегі ресми парақшасында.
Бұған дейін алматылық клубтың жаңа ойыншысы Кевин Арриета Испанияның "Альсира" клубында өнер көрсеткен.
Айта кетейік, биыл Өзбекстанда өткен әлем чемпионатында 27 жастағы аргентиналық шабуылшы Кевин Арриета турнирдің үздік үш сүрмергенінің қатарына енді. Сондай-ақ әлем чемпионатының ширек финалында Аргентина құрамасы сапында Кевин Арриета Қазақстан қақпасына 2 гол соққан болатын.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2175534-alem-chempionatynyng-uzdik-oiynshysy-qairat-klubymen-kelisimshartqa-otyrdy/