Сәрсенбіден бейсенбіге қараған түні УЕФА Чемпиондар лигасының жалпы кезеңінің 4-тур матчтары аяқталды. Бұл туралы KAZ.NUR.KZ хабарлайды.
Италиялық "Интер" клубы өз алаңында лондондық "Арсеналды" 1:0 есебімен ұтты. Жалғыз голды 45+3-минутта Хакан Чалханоглу пенальтиден соқты.
Бұл турдың тағы бір орталық матчында "ПСЖ" өз алаңында "Атлетико Мадридтен" 1:2 есебімен жеңіліп қалды. Париждіктер сапында Уоррен Заир-Эмери (14-минут) гол соқса, одан кейін қонақтар сапында Науэль Молина (18) мен Анхель Корреа (90+3) гол соқты.
Сондай-ақ бұл турда "Барселона" клубы "Црвена Звезда" командасын 5:2 есебімен жеңді. Каталониялықтар сапында Роберт Левандовски (43, 53) дубль авторы атанса, Иниго Мартинес (13), Рафинья (55) және Фермин Лопес (76) бір-бір голдан соқты. Ал "Црвена Звезда" сапынан Силас (27) пен Милсон (84) гол соқты.
6 қарашадағы ойын күнінің нәтижелері:
"Брюгге" (Бельгия) – "Астон Вилла" (Англия) – 1:0;
"Шахтер" (Украина) – "Янг Бойз" (Швейцария) – 2:1;
"Спарта" (Чехия) – "Брест" (Франция) – 1:2;
"Црвена Звезда" (Сербия) – "Барселона" (Испания) – 2:5;
"Штутгарт" (Германия) – "Аталанта" (Италия) – 0:2;
"ПСЖ" (Франция) – "Атлетико" (Испания) – 1:2;
"Фейеноорд" (Нидерланды) – "Ред Булл Зальцбург" (Аустрия) – 1:3;
"Интер" (Италия) – "Арсенал" (Англия) – 1:0;
"Бавария" (Германия) – "Бенфика" (Португалия) – 1:0.
Айта кетейік, 4-турдың қорытындысы бойынша УЕФА Чемпиондар лигасының турнир кестесінде 12 ұпай жинаған ағылшындық "Ливерпуль" көш бастап тұр.
Ал 5-турдың матчтары 26-27 қарашада өтеді.
Мақаланың түпнұсқасы: https://kaz.nur.kz/sport/football/2184233-barselona-5-gol-soqty-liverpul-kosh-bastady-chempiondar-ligasynyng-4-tur-qorytyndysy/
