Фуиболдан Қазақстанның жастар құрамасы (U-19) 2025 жылғы Еуропа чемпионатының іріктеу кезеңіндегі алғашқы ойынын өткізді. Бұл туралы KAZ.NUR.KZ хабарлайды.
Нидерландының Ассен қаласындағы стадионда өткен алғашқы ойында Қазақстан құрамасы Украинамен кездесті.
Матчтың 9-минутында Қазақстан құрамасының ойыншысы Тамерлан Ағиманов ойын есебін ашты. Одан кейін бірінші таймның соңында тағы да Тамерлан Ағиманов гол соғып, есепті еселей түсті.
Екінші таймда украиналықтар пенальтиден (62-минут) есеп айырмасын қысқарта алды. Бірақ матчтың нәтижесінде Қазақстан құрамасы 2:1 есебімен жеңіске жетті.
Украина құрамасы 2024 жылы өткен жастар арасындағы Еуропа чемпионатының жартылай финалына дейін жеткен болатын.
Айта кетейік, Александр Кузнецов баптайтын футболдан Қазақстан ұлттық құрамасы келесі кездесуін 16 қарашада Нидерландыға қарсы өткізеді.
Мақаланың түпнұсқасы: https://kaz.nur.kz/sport/football/2187191-futboldan-qazaqstannyng-zhastar-quramasy-euro-2024-turnirining-qola-zhuldegerlerin-zhengdi/
