Футболдан Қазақстан ұлттық құрамасы ФИФА рейтингінде тағы төмендеді

Футболдан Қазақстан ерлер құрамасы Халықаралық футбол федерациясының (ФИФА) рейтингінде тағы төмендеді, деп хабарлайды ФИФА-ның ресми сайтына сілтеме жасаған KAZ.NUR.KZ.

Рейтингке өзгерістер наурыздағы халықаралық матчтардың қортындысы бойынша енгізілген. Өткен айда Қазақстан 2026 жылғы әлем чемпионатының іріктеу кезеңі аясында екі маңызды матч өткізді. Ел құрамасы сырт алаңда Уэльстен жеңіліп, Лихтенштейнді жеңді.

ФИФА-ның жаңартылған рейтингінде Қазақстан құрамасы тағы үш сатыға төмендеп, 113-орынға сырғыған. Қазіргі уақытта ұлттық құрама рейтингте Ливан мен Суданның ортасында тұр.

Көш басында – әдеттегідей Аргентина. Бұл жолы Испания Францияны үшінші орынға ығыстырып, екінші сатыға жайғасқан.

Ал Нидерланды құрамасы Португалияны басып озып, алтыншы орынға көтерілген.

2025 жылғы 3 сәуірдегі жаңартылған ФИФА рейтингі:

1. Аргентина – 1886,16 ұпай;

2. Испания – 1854,64;

3. Франция – 1852,71;

4. Англия – 1819,20;

5. Бразилия – 1776,03;

6. Нидерланды – 1752,44;

7. Португалия – 1750,08;

8. Бельгия – 1735,75;

9. Италия – 1718,31;

10. Германия – 1716,98;

110. Қазақстан – 1177,66.

Айта кетейік, 2024 жылғы 28 қарашада жарияланған ФИФА рейтингінде Қазақстан 110-шы орында болған еді.