"Қайрат" "Реалмен" өтетін матчтың билеттер сатылымына қатысты мәлімдеме жасады
Опубликовано:
Читать на русском
"Қайрат" футбол клубының баспасөз қызметі алдағы "Реалға" қарсы ойынға билеттер түгел сатылып кеткенін мәлімдеді, деп хабарлайды KAZ.NUR.KZ.
Баспасөз қызметі атап өткендей, "Қайрат" пен "Реал" кездесуіне барлық билет сатылып кетті. УЕФА Чемпиондар лигасының жалпы кезеңіндегі матч 30 қыркүйек күні сағат 21:45-те Орталық стадионда өтеді.
"Стадион аумағына 18:45-тен бастап кірсе болады, яғни ойын басталардан үш сағат бұрын ашылады. Жанкүйерлерге тексеруден еркін өтіп, кезекте тұрмау үшін алдын ала келіңіздер дейміз. Стадионға үш жақтан, Абай даңғылы, Сәтбаев көшесі, Байтұрсынов көшесі жағынан кіре аласыздар.
Freedom SuperApp арқылы сатып алынған билет матч күні көрсетілген электрондық поштаға жіберіледі. Ал Qairat SuperApp мобильді қосымшасында шын QR-код ойынға бірнеше сағат қалғанда ғана пайда болады", - делінген баспасөз қызметінің хабарламасында.
Еске салсақ, Қазақстанда "Қайрат" пен "Реал" арасындағы ойынға билеттер сатылымы ресми түрде басталғаннан кейін интернет қолданушылары билеттерді сатып алу үшін ұзын-сонар кезекке тұрған болатын.
Ал "Қайраттың" бас бапкері Рафаэль Уразбахтин "Реал Мадридке" қарсы матч алдындағы дүрбелең өзіне де сезіліп жатқанын жеткізген еді. Оның айтуынша, билет сұрап хабарласатындар көп.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2289707-qairat-realmen-otetin-matchtyng-biletter-satylymyna-qatysty-malimdeme-zhasady/