"Қайрат" өз алаңында "Реалдан" ойсырай жеңілді

Алматылық "Қайрат" Чемпиондар лигасының топтық кезеңінде өз алаңында "Реалға" есе жіберді. Бұл туралы KAZ.NUR.KZ хабарлайды.

УЕФА Чемпиондар лигасы топтық кезеңінің екінші туры аясында өткен матч 0:5 есебімен мадридтік "Реалдың" жеңісімен аяқталды.

Ойынның 25-минутында "Реал" шабуылшысы Килиан Мбаппе есепті ашып, 53-минутта есепті еселеді. Матчтың 74-минутында франциялық ойыншы хет-трик жасады.

Содан кейін 83-минутта мадридтік команданың жартылай қорғаушысы Эдуардо Камавинга "Қайраттың" қақпасына төртінші голды салды.

Ойынның соңғы минуттарында шабуылшы Браим Диас есепті 0:5 жасады.

Мәтіннен қате тапсаңыз, бізге жазыңыз