"Бала күнгі арманым орындалды": Темірлан Анарбеков желіде әсерлі жазба жариялады

"Қайрат" қақпашысы Темірлан Анарбековтың Instagram желісіндегі жазбасы бірнеше сағат ішінде ондаған мың лайк пен пікір жинады, деп хабарлайды KAZ.NUR.KZ.

Темірлан Анарбеков желідегі жазбасында Чемпиондар лигасының жалпы кезеңінде негізгі құрамдағы алғашқы ойыннан кейінгі эмоциясын бөлісті.

"Чемпиондар лигасының топтық кезеңіндегі бірінші ойын, тағы бір балалық арманым орындалды", - деп жазды Анарбеков.

Небәрі 14 сағаттың ішінде жазбаға 32 000-нан астам лайк жиналып, 1200-ден астам пікір жазылды. Қазақстандықтар "Қайрат" қақпашысының шеберлігіне тәнті болып, есімі қазақ футболының тарихына енгенін атап өткен.

"Темірланның арқасында біз "Реал Мадридті" тікелей эфирде көрдік. Темірлан – аңыз адам, ол Қазақстан футболының тарихын жасады", "Көз тимесін", "Анарбеков – ең үздік. "Реалға" қарсы ойында алаңға шыққанда, біз бес гол жібермес едік", "Үздік қақпашы", - деп пікір қалдырды қазақстандықтар жазбаға.

Естеріңізге сала кетейік, Анарбеков жарақатына байланысты Алматыдағы "Реалға" қарсы ойынға қатыса алмады. Оның Чемпиондар лигасының жалпы кезеңіндегі алғашқы ойыны кипрлік "Пафос" командасымен тең аяқталды.

Айта кетейік, матчтан кейін желіде жанкүйерлер Анарбеков туралы оң пікір білдірген, сондай-ақ УЕФА оны үздік қақпашылар қатарына қосқан еді.

Мәтіннен қате тапсаңыз, бізге жазыңыз