Лондонда өтетін "Қайрат" – "Арсенал" матчының билеті қанша тұрады

"Арсенал" – "Қайрат" матчына билеттер бағасы белгілі болды. Ойын Лондонда 2026 жылдың 29 қаңтарында өтеді, деп хабарлайды лондондық клубтың ресми сайтына сілтеме жасаған KAZ.NUR.KZ.

Матч УЕФА Чемпиондар лигасының жалпы кезеңінің сегізінші туры аясында "Эмирейтс" стадионында өтеді.

"Арсенал" билет бағасы 44,80 - 84 фунт стерлинг (шамамен 30 000 - 50 000 теңге) аралығында болатынын мәлімдеді.

Қазіргі уақытта "Арсенал" Чемпиондар Лигасының турнирлік кестесінде 12 ұпаймен көш басындағы командалар қатарында тұр, ал "Қайратта" – 1 ұпай. Қазақстандықтар 34-орында.

Өткен аптада алматылықтар итальялық "Интерден" жеңіліп қалды – матч Миланда өтті.

Мәтіннен қате тапсаңыз, бізге жазыңыз