"Қайрат" ресми мәлімдеме жасап, жанкүйерлерінен кешірім сұрады

Алматылық "Қайрат" клубы кеше, 7 ақпанда ташкенттік "Пахтахорға" қарсы бақылау матчын өткізген болатын. Алайда қазақстандық жанкүйерлер бұл матчты көре алмады. Оған трансляция жасау кезіндегі қиындықтар себеп болған. Бұл туралы клуб Telegram-дағы ресми парақшасында мәлімдеді.

Эфир танымал қосымшада көрсетілуге тиіс болған. Алайда қосымшада теледидар сигналына байланысты көрсетілгендіктен, трансляция платформада да қолжетімсіз болды.

""Қайрат" ФК "Пахтакорға" қарсы бақылау матчының трансляциясына қатысты жағдай үшін кешірім сұрайды.

Клуб эфирді ұйымдастыру үшін өзіне жүктелген барлық міндеттемені толық орындады.

Бірінші тайм таратушының бағдарлама кестесіндегі өзгерістерге байланысты эфирге шықпады. Екінші тайм барысында техникалық ақау болды. Таратушының мәліметінше, бұл стадиондағы электр қуатына қатысты мәселеден туындап, трансляция сигналының үзілуіне себеп болған", - делінген хабарламада.

Мәтіннен қате тапсаңыз, бізге жазыңыз