"Қатыспайды": "Қайрат" клубы шабуылшысы Дастан Сәтпаевқа қатысты мәлімдеме жасады

"Қайрат" футбол клубының баспасөз қызметі Дастан Сәтпаевтың Түркиядағы оқу-жаттығу жиынына қатыспайтынын мәлімдеді, деп хабарлайды KAZ.NUR.KZ.

Клубтың баспасөз қызметінің мәліметінше, Дастан Сәтпаев Түркиядағы оқу-жаттығу жиынына қатыспайды.

"Медициналық көрсеткіштерге байланысты "Қайрат" шабуылшысы емін Қатарда жалғастырады, содан кейін Алматыда командаға қосылады", - делінген хабарламада.

Өткен аптада Дастан Сәтпаев жарақаты жазылып, "Қайрат" командасына оралған болатын. Шабуылшы денсаулығына байланысты "Қайраттың" қаңтарда өткен Чемпиондар лигасындағы соңғы екі ойынын өткізіп алды. Алматылық команда өз алаңында бельгиялық "Брюггеден" 4:1, ал англиялық "Арсеналдан" сырт алаңда 3:2 есебімен жеңілді.

Мәтіннен қате тапсаңыз, бізге жазыңыз