2026/27 жылғы УЕФА Ұлттар лигасы: Қазақстан құрамасының қарсыластары анықталды

Бельгия астанасы Брюссельде 2026/27 жылғы УЕФА Ұлттар лигасының жеребе тарту рәсімі өтті, деп хабарлайды Қазақстан футбол федерациясына сілтеме жасаған KAZ.NUR.KZ.

ҚФФ-ның мәліметінше, Қазақстан құрамасы С лигасында 3 топқа түскен. Қарсыластары – Словакия, Фарер аралдары және Молдова құрамалары. 

Ұлттар лигасы матчтары қыркүйек айында басталады. Топтық кезеңнің қорытындысы бойынша жеңімпаздар жоғары дивизионға өтуге мүмкіндік алады.

Сондай-ақ 2028 жылғы Еуропа чемпионатының жолдамасы үшін ойнайды.

Бұдан бөлек, ұлттық құрама маусымда Түркістанда Венгрияға қарсы матч өткізеді.

Мәтіннен қате тапсаңыз, бізге жазыңыз