"Көшеге шығып кеткен": 18 жастағы талантты хоккейшінің әкесі тоған маңынан өлі табылды

Ресей құрамасы мен "Сочи" клубының хоккейшісі Матвей Мичковтың әкесі жұмбақ жағдайда қайтыс болды. Бұл туралы РИА спорт агенттігі хабарлайды, деп жазады KAZ.NUR.KZ.

51 жастағы Андрей Мичков 2 сәуір күні жоғалып кеткен. Ер адаммен байланыс үзілген соң, жақындары дабыл қаға бастайды. Оның денесі 4 сәуір күні Сочидегі тоған маңынан табылды.

Алдын ала болжам бойынша марқұм суға кетіп қалған.

Хоккейші Матвей Мичков желіде жазба қалдырды.

"Сен жақсы әке болдың. Сені мақтан етемін және жақсы көремін", - деп жазды ол.

Айта кетелік, марқұмның ұлы Матвей Мичков талантты жас ойыншылардың бірі саналады. 18 жастағы хоккейші 2023 жылғы ҰХЛ драфтының басты фавориті саналады.

Мәтіннен қате тапсаңыз, бізге жазыңыз