Қазақстандық клубтың бапкерлік штабында өзгеріс болды

"Арлан" хоккей клубы бапкерлік штабта өзгеріс болғанын ресми түрде хабарлады. Бұл туралы ұжым әлеуметтік желідегі парақшасында жария етті.

Клубтың баспасөз қызметі ұсынған ақпаратқа сәйкес, "Арланның" бапкерлік штабын белорусьтік маман Сергей Громов толықтырған.

Ол Беларусь Республикасының жоғары санатты және Ресей Федерациясының бірінші санатты жаттықтырушысы болып табылады.

Білікті маман Минск қаласындағы Хоккей жаттықтырушыларының жоғары мектебін бітірген.

Сонымен қатар Сергей Громов "Югра" (Ханты-Мансийск), "Металлург" (Новокузнецк), "Динамо" (Санкт-Петербург) секілді ұжымдарда қызмет еткен.

Мәтіннен қате тапсаңыз, бізге жазыңыз