Астаналық "Барыс" хоккей клубы Құрлықтық хоккей лигасы аясында үшінші ойын қатарын жеңіліске ұшырады. Бұл туралы KAZ.NUR.KZ хабарлайды.
"Барыс" хоккейшілері сырт алаңда Татарстанның Нижнекамск қаласының "Нефтехимик" командасымен кездесті. Нәтижесінде "Барыс" хоккей клубы 1:4 есебімен жеңіліске ұшырады.
Ойынның 9-минутында "Нефтехимик" хоккейшісі Никита Хоружев алғашқы шайбаны соқса, 29-минутта Владимир Брюквин есепті еселеді.
Ал матчтың 34-минутында "Барыс" хоккейшісі Батырлан Мұратов есеп айырмасын қысқартқанымен, кейіннен қарсылас команданың ойыншылары тағы да екі шайба соғып кетті. Ойынның 50-минутында Евгений Митякин мен 53-минутта Богдан Киселевич "Барыс" қақпасынан саңылау таба білді.
Айта кетейік, 13 қарашада Ғалым Мәмбеталиев шәкірттері тағы бір мәрте "Нефтехимикпен" ойнап, есе қайтаруға тырысады.
Мақаланың түпнұсқасы: https://kaz.nur.kz/sport/hockey/2186076-barys-qhl-da-ushinshi-oiyn-qatarynan-zhengiliske-ushyrady/
