Астаналық "Барыс" Құрлықтық хоккей лигасы аясында сырт алаңда мәскеулік "Динамоны" жеңді. Бұл туралы KAZ.NUR.KZ хабарлайды.
Сырт алаңда өткен бұл кездесуде "Барыс" хоккей клубы 2:0 есебімен жеңіске жетті.
Астаналықтар 21-минутта Антон Бурдасовтың соққан голының арқасында алға шықты. Бұл шайбаның қақпаға енуіне Әлихан Өмірбеков пен Әлихан Әсетов көмектесті.
Антон Бурдасов 60-минутта Кирилл Савицкийдің пасынан шайбаны бос қақпаға тоғытты.
Астаналық команда сегіз жеңіліс сериясын бұзып, 23 ұпай жинады. Дегенмен "Барыс" Шығыс конференциясында да, жалпы ҚХЛ кестесінде де Хабаровсктің Амурынан ғана озып, турнир кестесінің соңында келеді.
Айта кетейік, "Барыс" хоккей клубы келесі кездесуін 19 желтоқсанда Бейжіңде өткізеді. Қарсыласы қытайлық "Кунлун Ред Стар" клубы болмақ.
Мақаланың түпнұсқасы: https://kaz.nur.kz/sport/hockey/2201544-barys-zhengilis-seriiasyn-buzyp-maskeulik-dinamodan-basym-tusti/
