Құрлықтық хоккей лигасы аясында астаналық "Барыс" хоккей клубы Челябинсктің "Трактор" командасынан жеңілді. Бұл туралы KAZ.NUR.KZ хабарлайды.
Астанада өткен "Барыс" – "Трактор" кездесуінде елордалық клуб 3:5 есебімен жеңілді.
"Трактор" клубы сапында Егор Попов (5-минут), Виталий Кравцов (7), Максим Шабанов (21), Семен Дер-Аргучинцев (34, басым) және Остап Сафин (51) шайба соқты. "Барыс" сапында Станислав Бочаров (39), Кирилл Савицкий (51) және Антон Бурдасов (60) көзге түсті.
Астаналықтар ҚХЛ чемпионатында қатарынан үшінші мәрте жеңіліс тапты.
40 матчтан кейін 23 ұпай жинаған Қазақстан құрамасы Шығыс конференциясы мен жалпы ҚХЛ кестесінде Хабаровсктің "Амурын" ғана басып озып, соңғы орындардың бірінде келеді.
Айта кетейік, "Барыс" өз мұз айдынындағы келесі ойынын 26 желтоқсанда "Сібір" командасына қарсы өткізеді.
Мақаланың түпнұсқасы: https://kaz.nur.kz/sport/hockey/2204492-barys-qatarynan-ushinshi-oiynda-zhengiske-zhete-almai-turnir-kestesining-songynda-keledi/
