Жастар арасындағы әлем чемпионаты: қазақстандық хоккейшілер Францияны ірі есеппен жеңді

Шайбалы хоккейден Қазақстан ерлер құрамасы Словенияда өтіп жатқан жастар арасындағы әлем чемпионатында ірі есеппен жеңіске жетті, деп хабарлайды Olympic.kz сайтына сілтеме жасаған KAZ.NUR.KZ.

Үшінші ойында ұлттық құрама Франциямен кездескен. Бірінші кезеңде франциялықтар 2:0 есебімен алға шыққан. Дегенмен отандастарымыз бір гол соғып, есепті қысқартқан.

Екінші кезеңде жалпы бес шайба соғылған. Оның төртеуі біздің спортшылардың еншісіне жазылған. Соңғы кезеңде Қазақстан құрамасы тоғыз шайба соқса, франциялық хоккейшілер үш шайбамен жауап қайтарған.

Ойын 14:6 есебімен Қазақстан құрамасының пайдасына шешілген. Келесі матчта ұлттық құрама Норвегиямен ойнайды.

Мәтіннен қате тапсаңыз, бізге жазыңыз