28 жастағы қазақстандық файтер Даниил Коцарев Қырғызстанның Қара-Балта қаласында өткен EFC Global 33 турнирінде өнер көрсетті, деп хабарлайды Sports.kz.
Турнирде қазақстандықтың қарсыласы Өзбекстанның 30 жастағы спортшысы Ұлықбек Иқашев болды.
77 келіге дейінгі салмақтағы жекпе-жек үш раундқа жоспарланған. Алайда айқас 53-секундта аяқталды.
Икашев Коцаревке шабуыл жасап, соққылар дарытып жатқан уақытта төреші жекпе-жекті тоқтатып тастады.
Осылайша, кездесу техникалық нокаутпен Ұлықбек Иқашевтің пайдасына аяқталды.
Мақаланың түпнұсқасы: https://kaz.nur.kz/sport/mma/2029151-qazaqstandyq-pen-ozbekstandyq-sportsynyn-arasyndagy-zekpe-zek-53-sekundta-ayaqtaldy-video/
