"UFC лигасына ораламын": Жалғас Жұмағұлов алға қойған жоспарларын айтты

Кеше, 6 желтоқсан Астана қаласында Naiza 55 турнирі өтті. ММА кешінің екінші негізгі жекпе-жегінде қазақстандық файтер Жалғас Жұмағұлов жапон спортшысына қарсы жұдырықтасты. Бұл туралы KAZ.NUR.KZ тілшісі хабарлайды.

Naiza 55 турнирінің екінші негізгі жекпе-жегінде қазақстандық файтер Жалғас Жұмағұлов (15-9) пен жапон спортшысы Масато Накамуру (9-8) жұдырықтасты. UFC лигасындағы сәтсіз кездесулерінен кейін қазақстандық промоушенмен келісімшартқа жасасқан "Жако" Масатоны техникалық нокаутпен жеңді.

Жалғас Жұмағұлов жұдырықтасудан кейін алға қойған мақсаттары мен жоспарларын айтты.

"Шетелге шығатын виза алдым. Енді Саятты (Жалғастың менеджері) күтемін. Ұсыныс күтемін. Қалай болса да, кәсіби мансабымды аяқтамаймын. Әлі күшім бар екенін көрген шығарсыздар. Оның үстіне біздің елдің спортшылары 30 жастан кейін мықты бола түседі. Мен де сол тізімнің ішіндемін.

"UFC промоушеніне қайта оралғым келеді. Матчмейкерімнің айтуы бойынша, бірнеше жекпе-жек өткізіп жеңіске жетсем мені UFC лигасына қайта алады", – деді Жалғас Жұмағұлов.

Посмотреть эту публикацию в Instagram

Публикация от Instagram

Айта кетейік, қазақстандық файтер Асу Алмабаев UFC лигасындағы кезекті қарсыласының есімін білді. Алмабаев UFC-дегі екінші кездесуін америкалық Си Джей Вергараға қарсы өткізеді. Екі спортшы арасындағы жұдырықтасу 2024 жылдың 9 наурызына жоспарланған. Аса жеңіл салмақтағы файтерлер UFC 299 турнирінде күш сынасады.

Мәтіннен қате тапсаңыз, бізге жазыңыз