Аралас жекпе-жек шебері Мұратбек Қасымбай жақында UFC промоушенімен келісімшартқа отыруы мүмкін. Бұл туралы KAZ.NUR.KZ sport_kor Instagram парақшасына сілтеме жасап хабарлайды.
"Қазіргі таңда UFC-мен келіссөз жүргізіп жатырмыз, келісімшарт жасасуға жақын қалдық", – деді Мұратбек Қасымбай.
Қазақстандық файтер соңғы жекпе-жегін 2023 жылдың желтоқсанында "Наше дело 81" турнирінде өткізді. Ол Ресей өкілі Александр Грозинмен кездескен болатын. Бұл бәсекеде Грозин төрешілердің шешімімен басым түсіп, кәсіби мансабындағы 24-жеңісіне қол жеткізді. Ал Мұратбек 5-рет жеңіліске ұшырады. Оның активінде 12 жеңіс бар.
Айта кетейік, қазіргі таңда UFC-де қазақстандық 6 файтер өнер көрсетеді. Олар: Шавкат Рахмонов, Асу Алмабаев, Бекзат Алмахан, Азат Максұм, Сергей Морозов және Мария Агапова.
Мақаланың түпнұсқасы: https://kaz.nur.kz/sport/mma/2085446-tagy-bir-qazaqstandyq-faiter-ufc-men-kelisimsart-zasaspaq/
