Абдулманап Нурмагомедов атындағы жекпе-жек мектебінің Instagram желісіндегі ресми парақшасында Ислам Махачевтің UFC-дегі келесі жекпе-жегі қашан өтетіні туралы мәлімдеме жасалды. Бұл туралы KAZ.NUR.KZ хабарлайды.
Дереккөздің мәліметінше, Ислам Махачевтің (26-1) келесі қарсыласы армениялық жауынгер Арман Царукян (22-3) болмақ. Бұған дейін олар 2019 жылы ке-здесіп, Ислам Махачев жеңіске жеткен. Ол кезде Арман Царукян UFC-дегі алғашқы жекпе-жегін өткізді.
Ал қос файтер арасындағы екінші жекпе-жек 2025 жылдың 18 қаңтарында Лос-Анджелесте UFC 311 турнирі аясында өтеді деп жоспарлануда. Ислам Махачев соңғы үш жекпе-жегінде жеңіске жетіп, чемпиондық атағын сәтті қорғаған.
Айта кетейік, Ислам Махачев биыл 1 маусымда Дастин Порьені тұншықтыру әдісімен жеңіп, UFC-дегі чемпиондық атағын қорғаған.
Ал Арман Царукян биыл 13 сәуірде Чарльз Оливейраны төрешілердің бірыңғай шешімімен жеңген.
Мақаланың түпнұсқасы: https://kaz.nur.kz/sport/mma/2183085-ufc-chempiony-islam-mahachevting-kelesi-qarsylasynyng-esimi-belgili-boldy/
