Шавкат Рахмоновтың UFC 310 турниріндегі қарсыласы анықталды

UFC-де жартылай орта салмақта өнер көрсететін қазақстандық файтер Шавкат Рахмоновтың келесі қарсыласы белгілі болды. Бұл туралы KAZ.NUR.KZ хабарлайды.

Dar Team командасы Instagram-дағы парақшасында Шавкат Рахмоновтың келесі жекпе-жегі туралы ақпарат жариялады. Рахмонов 8 желтоқсанда уақытша UFC белбеуі үшін ирландиялық Иан Гэрримен жұдырықтасады. Бұл жекпе-жек Лас Вегаста (АҚШ) өтетін UFC 310 турнирінің басты оқиғасы болмақ.

Айта кетейік, Шавкат Рахмонов бастапқыда UFC 310 турнирінде жартылай орта салмақтағы UFC чемпионы Белал Мухаммадпен титулдық жекпе-жекке шығуы керек еді. Бірақ Белал Мухаммад инфекция жұқтырып алып, кездесу өтпейтін болды.

Қазақстандық файтер соңғы жекпе-жегін 2023 жылы желтоқсанда өткізіп, америкалық спортшы Стивен Томпсонды екінші раундта ұтқан болатын. Шавкат MMA-да 18 рет, UFC-де 6 рет жеңіске жеткен.

Мәтіннен қате тапсаңыз, бізге жазыңыз