Қазақстандық спортшы, UFC-дің бұрынғы файтері Жалғас Жұмағұлов ресейлік Fight Night лигасымен келісімшарт жасасты. Бұл туралы KAZ.NUR.KZ Fight Night лигасының Instagram желісіндегі ресми парақшасында сілтеме жасап хабарлайды.
Қазақстандық жауынгер Жалғас Жұмағұлов Fight Night лигасымен 4 жекпе-жекке келісімшарт жасасты.
Келісімшарт бойынша Жалғас Жұмағұлов 2025 жылға дейін ММА мен бокс ережелері бойынша бірнеше жекпе-жек өткізеді.
Жалғас Жұмағұлов бұған дейін 2018 жылы Fight Night чемпионы атанып, кейін UFC-де бірнеше жекпе-жек өткізген.
Айта кетейік, 17 қыркүйекте қазақстандық аралас жекпе-жек шебері Жалғас Жұмағұлов өзінің мансабын Оktagon промоушенінде жалғастыратынын мәлімдеген болатын.
Жалғас Жұмағұлов еуропалық OKTAGON лигасындағы алғашқы кездесуін Братиславада (Словакия) Уэльс спортшысы Аарон Эйбиге (16-9-1) қарсы өткізді. Нәтижесінде Жалғас Жұмағұлов 3 раундқа созылған кездесуде төрешілердің бірыңғай шешімімен жеңіске жетті.
Мақаланың түпнұсқасы: https://kaz.nur.kz/sport/mma/2190204-zhaqynda-europalyq-promoushende-debiut-zhasagan-zhalgas-zhumagulov-reseilik-ligamen-zhanga-kelisimshartqa-otyrdy/
