ММА файтері Мұратбек Қасымбай UFC-дің жартылай орта салмақтағы бұрынғы чемпионы, америкалық Тайрон Вудлимен жекпе-жек өткізгісі келетінін айтты. Бұл туралы KAZ.NUR.KZ YouTube желісіндегі "Вестник ММА" арнасына сілтеме жасап хабарлайды.
"Шынымды айтсам, қазақстандық спортшылармен жұдырықтасқым келмейді. Ал ресейліктермен кәсіби мансабымда талай рет кездестім, шаршадым. Маған экзотикалық қарсыластармен, мысалы, қара нәсілді спортшылармен жекпе-жек өткізу қызық. Мысалы, Тайрон Вудлимен. Ешқандай қалжыңсыз айтып тұрмын, шынымен осындай ойым бар. Бокс ережесі бойынша немесе басқа форматта кездесуге дайынмын. Егер қызық болатын болса, ұсыныс жасаймын. Тайрон Вудли қазір еркін агент, мен онымен жұдырықтасқым келеді", - Мұратбек Қасымбай.
Айта кетейік, Мұратбек Қасымбай келесі жекпе-жегін кәсіби бокс ережелері бойынша өткізеді. Ол 27 желтоқсанда Алматыда "Перс" лақапатымен танымал Иран спортшысы Мухаммед Хейбатимен кездеседі.
Мақаланың түпнұсқасы: https://kaz.nur.kz/sport/mma/2190516-qazaq-faiteri-muratbek-qasymbai-ufc-ding-buryngy-chempionymen-kezdesu-otkizgisi-keletinin-aitty/
