Бүгін, 30 қарашада қазақстандық спортшы Мұратбек Қасымбай мен ресейлік Иса Исаев Nomad Fighting турнирі аясында кездесу өткізді. Бұл туралы KAZ.NUR.KZ хабарлайды.
"Қазақ терминаторы" лақапатымен танымал Мұратбек Қасымбай мен "Тандовский" лақапатымен көпшілікке белгілі ресейлік Иса Исаев чемпиондық жекпе-жекте сынға түсті. Бес раундқа созылған жекпе-жекте Иса Исаев төрешілердің бірыңғай шешімімен жеңіске жетті.
Айта кететін жайт – қос спортшы бұл жекпе-жекте ММА ережесіне сәйкес тік тұрып төбелесті.
Nomad Fighting Championship лигасының бұл кешінде 12 жекпе-жек өтті.
Еске сала кетейік, дәл осы Nomad Fighting турнирі аясында Еркебұлан Тоқтар ресейлік Фарид Ядуллаевті бірінші раундтың бірінші минутында нокаутқа түсіріп, жеңіске жетті.
Сондай-ақ Мұратбек Қасымбай келесі жекпе-жегін кәсіби бокс ережелері бойынша өткізеді. Ол 27 желтоқсанда Алматыда "Перс" лақапатымен танымал Иран спортшысы Мухаммед Хейбатимен кездеседі.
Мақаланың түпнұсқасы: https://kaz.nur.kz/sport/mma/2194641-qabagy-zharyldy-auyr-soqqylar-otkizip-aldy-muratbek-qasymbai-reseilik-faiterden-zhengilip-qaldy/
