Қазақстандық жауынгер Шавкат Рахмонов UFC 310 турнирінде ирландиялық Иэн Гэрриді жеңді. Бұл туралы KAZ.NUR.KZ хабарлайды.
АҚШ-тың Лас-Вегас қаласында өткен UFC 310 турнирінде қазақстандық жауынгер Шавкат Рахмонов ирландиялық файтер Иэн Мачадо Гэрримен кездесті. Бес раундқа жоспарланған бұл жекпе-жекте Шавкат Рахмонов төрешілердің бірыңғай шешімімен жеңіске жетті.
Айта кетейік, Шавкат Рахмонов бастапқыда UFC 310 турнирінде жартылай орта салмақтағы UFC чемпионы Белал Мухаммадпен титулдық жекпе-жекке шығуы керек еді. Бірақ Белал Мухаммад инфекция жұқтырып алып, кездесу өтпейтін болды.
Қазақстандық файтер Шавкат Рахмонов соңғы жекпе-жегін 2023 жылы желтоқсанда өткізіп, америкалық спортшы Стивен Томпсонды екінші раундта ұтқан болатын. Шавкат MMA-да 18 рет, UFC-де 6 рет жеңіске жеткен.
Мақаланың түпнұсқасы: https://kaz.nur.kz/sport/mma/2197590-shavkat-rahmonov-ufc-310-turnirinde-zhengiske-zhetti/
